Hvers vegna er spelt betra en venjulegt hveiti?

Spelt

Stundum förum við í hring og endum á upphafsreit. Þannig er það með spelt. Hjólið hefur ekkert breytst í tímans rás og bragðgott og næringarríkt speltið, ein frum korntegunda, sem ræktuð var fyrir allt að 5000 árum en féll næstum í algera gleymsku, finnur aukinn hljómgrunn hjá nútíma neytendum.

Spelt hefur mildan hnetukeim í bragðinu. Á ítölsku heitir spelt “Farro” og á þýsku “Dinkel” og Rómverjar til forna töluðu um “Farrum”. Spelt (Triticum spelta) er forn og fjarlægur ættingi nútíma hveitis (Triticum aestivum), en náskylt þeim tegundum sem taldar eru enn eldri og heita Emmer og Elkorn.

Spelt er auðugt af trefjum og inniheldur meira prótín en hveiti. Jafnframt er meira af B-vítamínum sem og flóknum kolvetnum í spelti en venjulegu hveiti. Flókin kolvetni eru besti orkugjafinn og því er spelt og matvörur úr því kjörinn kostur t.d. fyrir íþróttafólk. Það sem þó hefur öðru fremur aukið vinsældir spelts og vara úr því, er að margt fólk sem illa þolir glúten getur notað spelt án vandræða þó að það innihaldi glúten. Ekki er vitað nákvæmlega hvers vegna, en ástæðan er m.a. talin vera sú að glútenið í spelti hefur aðra byggingu en glúten í öðru hveiti, það er vatnsleysanlegra og því auðmeltara.

Fyrir um 800 árum skrifað heilög Hildegard frá Bingen: “Spelt er best korntegunda. Það er auðugt og nærandi og mildara en annað korn. Það skapar sterkan líkama og heilbrigt blóð þeim sem neyta þess og það gerir anda manns léttan og glaðværan.”

Það sem áður var talið speltinu til miska er því nú til framdráttar. Nútíma korntegundir hafa verið “kynbættar” til að vera auðveldar í ræktun, gefa aukna uppskeru, vera auðveldar í vinnslu og til að hafa hátt glúteninnihald sem hentar fyrir fjöldaframleiðslu bökunarvara. Spelt hefur hart hýði sem gerir það síðra til mjölframleiðslu en aðrar tegundir. Hins vegar verndar það kornið og er það því einstaklega hentugt fyrir lífræna ræntun, þar sem skordýr, mengun og sjúkdómar eiga ógreiða leið að sjálfu korninu. Þetta harða hýði er ekki fjarlægt fyrr en rétt fyrir mölun og varðveitir því næringarefni og ferskleika kornsins. Fyrir vikið fáum við bragðgott “náttúrulegt” korn og úr því mjöl og síðan aðrar matvörur.

 

 grein frá heilsa.is

CONGRATULATIONS

já já

þá er komið að því að við gerum okkur að stórstjörnum, loksins kemst  Ísland á kortið sem framúrskarandi  þjóð með óbilandi áhuga á tísku og tónlist, jú þess vegna sendum við hana Silvíu okkar Í KEPPNINA.

Ég ætla allavega að fylgjast vel með þegar hún stígur á stokk með fjaðrirnar út um allt og tyggjóið hálf fast í þeim líka. 'Eg er stolt af henni og stolt af okkur að hafa sent hana út, hún kemur til með að vera landinu til sóma án nokkurns vafa      S K I L U R U ......

KVEÐJA

AÐAL TÚTTAN , nema hvað!!! 

MSG (þriðja kryddið)

Msg-Þriðja kryddið

Msg, Monosodium glutomate, E621, bragðaukandi efni, flavor enhancer, pork flavoring, beef flavoring, natural flavoring, hydralized protein, autolized yeast extract, yeast extract, gelatine, glutamic acid, calcium caseinate, sodium caseinate, listinn er langur og hann heldur áfram

Asíubúar notuðu upprunalega þangsoð til þess að ná bragðaukandi áhrifum msg, en í dag er msg verksmiðjuframleitt, meðal annars með gerjunarferli sterkju, sykra og rófa. Kryddið er verksmiðjuframleitt og er því ekki náttúrulegt.

Msg er selt í staukum, það er hvítt kristallað duft ekki ólíkt salti eða sykri. Það hefur ekkert bragð en eykur bragð þess matar sem því er bætt útí eða á.

Glutamate er efni sem finnst í líkamanum og eru glutamate skynjarar í öllum líffærum mannslíkamans. En glutamatið, eins og annað, þarf að vera í jafnvægi við önnur efni til þess að líkaminn starfi rétt. Monosodium glutamate (msg) örvar þessa skynjara í heilanum og ruglar starfsemi heilans. Efnið getur líka drepið skynjarana og nærliggjandi taugar, ef mjög mikils er neytt af efninu, og valdið þannig ólæknalegum heila- og taugaskaða. Þannig veldur monosodium glutamate brenglun í heilanum sem bregst við með eitrunarviðbrögðum.

Viðbrögð líkamans við msg er ekki ofnæmisviðbrögð heldur í eitrunarviðbrögð og jafnvel þeir sem ekki fá skyndileg einkenni (eins og t.d. höfuðverk eða uppþembu) strax eftir neyslu efnisins verða fyrir eitrunaráhrifum, sé neyslu haldið áfram.

Einkenni msg eitrunar geta t.d. verið eitt eða fleiri eftirfarandi einkenna:

Höfuðverkir
Mígreni
Uppþemba
Ógleði og uppköst
Niðurgangur
Asmi
Andnauð
Kvíði
Jafnvægistruflanir
Lömun
Hjartsláttartruflanir
Skapsveiflur
Ýmsir taugasjúkdómar Parkinson, ms, alzheimier
Hegðunarvandamál, sérstaklega hjá börnum og unglingum
Ofnæmiseinkenni
Útbrot
Baugar
Munnangur
Nefrennsli
Þunglyndi
o.fl.

Msg er ávanabindandi og veldur "matarþörf" eða food-cravings. Það fær fólk til að borða meira af matnum en það hefði annars gert, og veldur þannig offitu.

Msg er að finna í unnum mat, sérstaklega léttvörum, pakka- og dósamat, sumum ostum, sumum bóluefnum og vítamínum, sælgætishlaupi, snakki, duftkröftum s.s. kjöt-, kjúklinga- og grænmetiskrafti, ýmsum grænmetis og heilsuvörum (þá yfirleitt sem yeast extract) og athugið að msg er alltaf í gelatínhylkjum lyfja og/eða vítamína.

Ein spurning að lokum, afhverju er msg svona falið, ef það er (eins og framleiðendur vilja halda fram) skaðlaust?

 

ó sólei míó

Lífsgangan
er eins og að labba fullur heim
úr bænum.

Það kemur að krossgötum
og rauðu ljósi.

Skref fyrir skref
ratar maður þó heim að lokum,
ef maður fylgir ljósastaurunum.

Ólafur Aron
1983

 

 

p.s

komnar inn nýjar myndir....

14. maí

Mamma mín elskulega hefði átt 54 ára afmæli í dag og buðum við því systurnar systrum mömmu og ömmu í smá afmæliskaffi mömmu til heiðurs. Það er bara svo yndilslegt að hittast og rifja upp liðna tíma með sorgar og gleðitár í augum. 

Maður er samt búin að vera hálf ryðgaður í dag eftir smá tjútt í gær. Ég bauð skólafélögum mínum í smá gill hingað heim og svo smelltum við okkur downtown. fyrsti áfangstaður var klúbburinn sem er staðsettur hér í 112, ji minn eini er það eina orð sem ég hef yfir þann stað þannig að það var farið þaðan á ljóshraða nirðí bæ.

næsti áfangastaður var Rex... jú jú þokkalegur staður nema að samkynhneigðu karlarnir virðast vera að ná völdum á þeim stað því þeir voru all over the pleis.

Þriðji áfangastaður var Thorvaldsens... la lala staður ef þú kannt erlent tungumál því þar eru næstum því bara útlendingar sem sækja þann stað, þannig að ef þú þarft að rifja upp e-ð tungumál þá er þetta staðurinn..

fjórði áfangastaður var Óðal...... heimreið dauðans er það sem ég hef að segja um þann stað. Stelpurnar sem voru að gæla við súluna voru með þær lengstu lappir sem ég hef nokkurntíman séð, ég fylgdist vandlega með tækninni sem þær beittu á súlunni og er þetta hin mesta list að geta þetta án þess að slasa sig.  

Bið að heilsa ykkur í bili

minni ykkur á það að það er aðeins 10 dagar í tenerife ferðina mína með túttunum.

kveðja

aðal túttan  með 1/2 heimreið.... 

Sjúddirallí rei og sjúddírallí ra......

hæ og hó.

Jæja þá eru þessi blessuðu próf mín yfirstaðin og stóð ég mig bara þokkalega, gæti gert betur en er samt í góðum málum....

Allavega er staðan sú að í dag fengu bolirnir okkar í túttuvinafélaginu merkingu og eru þeir gegt flottir og eigum við eftir að bera þá með sóma á leiðinni til TENERIFE. Já talandi um Tenerife því það eru aðeins 13 daga til stefnu og er spennan að magnast all svakalega hjá túttunum. 

Þá er bara að halda áfram í ræktinni og hrista af sér selspikið, sem bauð sér sjálft að setjast að í kroppalingnum mínum.

jæja snúllur góðar, þá er best að fara að fóðra selspikið með ágætist grillkjéti, a la HAlli.

bon appetite þangað til næst

kveðja

Aðal túttan 

E- Númerin í matvælum ( góð og slæm)

hæ hæ.

Ætla að setja hér inn það sem mér finnst skipta máli þegar við erum að lesa aftan á innihaldslýsingar.

Reglan er þó samt bara einföld!!!! því lengri sem innihaldslýsingin er því óhollari er maturinn... don´t buy it....

E - Númerin

Svo eru það E-númerin. Heilmiklu af ýmsum efnum er bætt í matinn sem við borðum. Þessi efni hafa áhrif á lit, geymsluþol, gerð og bragð. Einungis fá efni eru sett í matinn í því skyni að bæta eða auka næringargildi. Notkun þessara efna í matvælaframleiðslu fer vaxandi og er í samhengi við aukna neyslu unninna og tilbúinna matvæla. Þetta hefur í för með sér að vandamálum sem tengjast aukefnum fjölgar. Þau börn sem nú eru að vaxa úr grasi hafa innbyrt mikið af aukefnum frá blautu barnsbeini, allt frá fósturskeiði, sem geta gert þau mjög viðkvæm fyrir heilsufarslegum vandamálum sem rekja má til þessara efna. Þessara efna er getið á umbúðum gosdrykkja, sælgætis og unninna matvæla, en fæstir vita hvað þau þýða. Þegar við sjáum E-númer í innihaldslýsingunni þurfum við að vera á verðbergi.

E-númer geta átt uppruna sinn í dýraríkinu, verið ofnæmisvaldandi og erfðabreytt  en nokkur þeirra eru alveg hættulaus. Sjá meira á skjarinn.is
Öll E-númer sem byrja á 100 eru litarefni en ekki eru öll litarefni hættuleg. T.d. er E100 turmerik-krydd sem er gult og sennilega skaðlaust. E101 er Riboflavin sem er B2 vitamin og einnig gult og sennilega skaðlaust.  E102 er Tartrazin og er bæði svo hættulegt að það ætti að forðast og auk þess ofnæmisvaldandi. E110 er Sunset Yellow FCF, hættulegt og ofnæmisvaldandi. Þetta efni er oft að finna í t.d. sælgæti og ódýrum ávaxtasöfum.

Númer sem byrja á 100 eru litarefni
Númer sem byrja á 200 eru rotvarnarefni
Númer sem byrja á 300 eru þráavarnarefni( andoxunarefni ).
Mörg þeirra eru mjög vafasöm og erfðabreytt.
Númer sem byrja á 400 eru m.a. bindiefni. Flest þeirra eru hættulaus en á því eru margar undantekningar .
Númer sem byrja á 500 eru sýrustillar og næstum öll í lagi nema E541.
Númer sem byrja á 600 eru bragðaukandi efni, t.d. E621 sem er MSG.
Þau eru öll varhugaverð og flest erfðabreytt.
Undantekningarnar eru E640 og E650.
Númer sem byrja á 900 eru húðunarefni ( lakk og vax) og hjálparefni,
t.d. sætuefni sem bera númer frá E950 til E967.
Þau sem eru EKKI í lagi og ber að FORÐAST eru:
E950= Acesulfamkalium
E951= Aspartam /Nutra Sweet
E952= Natriumcyklamat
E952= Calciumcyclamat
E954 = Saccarin

Sætuefni sem eru í lagi:
E953= isomalt ( en er erfðabreytt)
E957=Thaumatin (erfðabreytt)
E965(i) = Maltitol (erfðabreytt)
E965(ii)= Maltitolsirop (erfðabreytt)
E 966 = Lactitol
E 967 =Xylitol

 

Góða helgi

kveðja

Ragnheiður 

engin titill

jæja þá er maður mættur aftur í skriftir eftir ágætt hlé. Ég er bara svo ansi lélegur penni að ég hef svo lítið hugmyndarflug um það hvað ég get sagt ykkur... kannski ég setji in klósettferðirnar þegar ég er alveg BLANCO.

Allavega þá er ég byrjuð í þessum yndilegu prófum og lauk mínu fyrsta í dag og er maður hálf laskaðu eftir það próf því það er ansi erfitt að sitja fyrir framan tölvuskjá í 4 klukkutíma með fulla einbeitingu. Mér finnst að skólarnir eigu að útvega manni þvaglegg á meðan maður er í svona löngu prófi, ekki er maður að eyða tímanum á dollunni í öllum æsingnum. Ég kannski legg þetta fyrir ef ég kemst í e-h ráð þegar ég verð stór.

Ég er farin að hafa smá áhyggjur af vinnu í sumar því ég er enn ekki komin með neina,ég er jú svo sannarlega að bíða eftir "the golden phonecall"  að einhver er með vinnu sem myndi hentar mér mjög vel, bæði launalega og tímaleg séð....  en síminn hefur ekki enn hringt.  Spurning hvort maður fari bara að skeina rassa í sumar eða !!!!!

Bið að heilsa ykkur í bili, the show must go on.

endilega vera dugleg að kvitta í gestabókina.... maður er svo einmanna hérna ef engin kvittar.

 

SEE ya

Aðal túttan " nema hvað" 

Aspartam viðbjóður

Veist þú hvað þú ert að setja ofan í þig daglega!!!

Já, og þú varst ánægður með að vera laus við viðbætta sykurinn úr kókinu, skyrinu og fleiri vörum sem innihalda þessi dásamleg "sætuefni". Í raun eru "sætuefni" ekkert annað en "Aspartame". Það nægir að slá inn orðinu á Google.com og þá koma upp um 624.000 tenglar sem vísa á vefsíður sem fjalla um skaðsemi Aspartame.

Í stuttu máli var Aspartame 200 sinnum sætara en sykur, það er samsett úr amínósýrum (uppbyggingarefnum próteins), og það inniheldur nánast engar kalóríur. Það var samþykkt af lyfja og matvælastofnun bandaríkjanna (FDA) árið 1981, sem margir vilja kalla ein stærstu mistök sem stofnunin hefur gert.

Aspartame var ekki rannsakað mikið á þeim tíma sem það var sett á markað, því það er ekki flokkað sem "lyf" heldur "matvæli". Í raun hefur Aspartame mörg einkenni lyfja, mikið af fólki getur ekki neytt Aspartam-bættra matvara því það hefur óþol gagnvart Fenýlalín sem er amínósýra í Aspartam. Þeir sem neyta Aspartams en hafa Fenýlalín óþol geta fengið allt frá hausverki eða önnur verri einkenni, allt til dauða. En Fenýlalín safnast fyrir í heila þeirra sem hafa óþol sem getur haft slæm áhrif.

Í raun eru áhrif Aspartams ekki að fullu rannsökuð, en það er margt sem bendir til að efnið hafi önnur áhrif en aðeins að gera bragðið af matvörunni "sætara". Bent hefur verið á allskonar aukaáhrif Aspartams, s.s. magaverkir, niðurgangur, ofnæmi, alzheimer, bakverkir, blindni, fæðingargallar, hækkun blóðþrýstingsins, heilaskaði, heilaæxli, hjarta- og æðasjúkdómar, brjóstverkir, sljóleiki, skaði á DNA, krabbamein, lifraskaði, minnistap, taugaskaði, verkir í liðamótum, svefntruflanir, hjartsláttartruflanir o.fl. o.fl. (eða rúmlega 100 atriði sem ég fann á netinu)

Aspartam ætti að forðast algjörlega. Í raun er hneyksli að það skuli vera leyft hér á Íslandi, en það er komið í margar matvörur nú þegar, s.s. Skyr.is og ýmsa gosdrykki (s.s. nýja Coke Light). Ég las viðtal við einn af yfirmönnum Norðurmjólkar þar sem kemur fram að þeir vilja ekki setja Aspartam í vörur sínar útaf þessum ástæðum, flott hjá þeim. Ljóst er að framleiðendur Skyr.is hafa engar áhyggjur af heilsu hins almenna neytanda, né gosdrykkjaframleiðendur sem hafa sett margar drykkjarvörur á markað með Aspartame.

Happy days are over...

já það eru sko orð með sönnu að sældarlífið er að taka enda.

Á komandi dögum er skóli og svo á næstkomandi dögum eru próf get bara ekki beðið eftir að fara í smá svitabað og fá hjartsláttartruflanir, já próf er eitt af því sem ég gæti alveg sleppt.

Allavega, þá er maður bara massa hress og það styttist óðum í Tenerif-e ferðina okkar los tuttos og er maður að berjast við það að ná þessum örfáu grömmum af mér áður en lagt er í hann svo bikíníið fái nú að njóta sín örlítið better if i may say.

Adios amigos

bona notte

eða hvernig sem þetta er nú skrifað...

 kys og kram

kveðja

Snillingurinn